Цæгат Ирыстоны паддзахадон университеты ректор профессор, экономикон зонæдты доктор Огъуаты Алан æвзæрст æрцыд Уæрæсейы Æхсæнад «Знание»-йы координацион советмæ. Уый Цæгат Кавказы федералон зылды номæй минæвар уыдзæн рухсадон уагдоны разамынды сæйраг оргæнтæй иуы.
Ахæм уынаффæ рахастой рухстауджыты Съезды, ацыд Национ центр «Россия»-йы. Мадзалы архайдтой лектортæ, партнертæ æмæ Æхсæнады кусджытæ æппæт бæстæйæ. Архайджытæ хатдзæгтæ скодтой фондз азы куыстæн 2021 азы организаци сног кæныны фæстæ, баивтой разамонæг органты сконд æмæ сбæрæг кодтой фидæны рæзты здæхтытæ.
Съезды фæлгæтты делегаттæ ныффидар кодтой ног Координацион Советы сконд, бацыдсты йæм 13 адæймаджы, уыдонимæ сæрдар, æмсæрдартæ æмæ генералон директор. Æхсæнад «Знание»-йы регионалон хайады сæрдар æмæ Цæгат Ирыстоны паддзахадон университеты ректорæн бабар кодтой ацы органы Цæгат Кавказы номæй архайын.
“Координацион советы уæнгтæм æвзæрст у стыр æууæнкдзинады нысан Цæгат Ирыстоны рухсады системæмæ. Махæн ахсджиаг у, цæмæй регионы хъæлæс хъуыса сæйраг уынаффæтæ хæссыны хъуыддаджы, хуыздæр федералон практикæтæ та æххæстгонд цæуой бынæттон æгъдауæй”, — фæнысан кодта Огъуаты Алан.
Сергей Кириенко ног æмгъуыдмæ æвзæрст æрцыд Æхсæнад «Знание»-йы Цæстдарæг советы сæрдарæй. Фембæлды рæстæджы ма фидаргонд æрцыд организацийы уставæн йæ ноггонд вариант дæр æмæ хаст æрцыдысты æндæр стратегион уынаффæтæ.
Ректор СОГУ Алан Огоев вошел в состав Координационного совета Российского общества «Знание»