Цæгат Ирыстоны паддзахадон университет студентты уалдзыгон фестивалы билеттæй цы æфтиæгтæ райста, уыдон радта фабрикæ-цæлгæнæнмæ хойраг балхæнынæн. Цы продукци рауайа, уый æрвыст æрцæудзæн сæрмагонд хæстон операцийы тыхтæм.
Æдæппæтæй æрæмбырд кодтой 250 мин сомы, уыдонæй 50 мины ацæудзæн Дагестаны донивылдтыты амæттæгтæн баххуыс кæнынмæ. Иннæ æхцайы фæрæзтæй фабрикæйы кусджытæ балхæндзысты æнæмæнг хъæугæ продукттæ бирæ хъахъхъæныны æмгъуыд кæмæн ис, ахæм хæринæгтæ цæттæ кæнынæн. Уыдоны нымæцы сты хæринæгтæ реторт-пакетты, дзидза æмæ дыргъты продукттæ, хус дыргътæ, æнгузтæ æмæ æндæртæ.
Уæ зæрдыл уын æрлæууын кæндзыстæм, ЦИПУ-йы фабрикæ-цæлгæнæн байгом 2026 азы æртхъирæны мæйы легендарон фæдысгарæг Мамсыраты Хаджи-Умары хъæбулы хъæбул Серхио Эрнандесы финансон æххуысæй. Уый йæ фæнд бахаста æфсæддонтæн хæдзарон хæринæгтæ уадзын фæуæрæхдæр кæныны тыххæй æмæ йæ фæндонимæ бацыд республикæйы сæргълæууæг Сергей Меняйломæ. Хъуыды райста регионы разамынды разыйы бар æмæ ссис проекты дарддæры райрæзты бындур.
Абон фабрикæ-цæлгæнæн йæ хъус дары хæрзхъæд æмæ æдас продукттæ уадзынмæ. Рауагъдон фæзуат ифтонг у нырыккон кусæнгæрзтæй, уыцы нымæцы автоклавтæ, дегидратортæ, уазалгæнæнтæ, индукцион пецтæ æмæ сæлынгæнæтæ.
СОГУ направил средства со студвесны на производство питания для бойцов СВО