Дæ сæрдыгон рæстæг пайдаимæ арвит æмæ хурхæтæны 11-17-æм бонты архай трендтæ аразæг Сæрдыгон скъолайы. Ацы сæрд æрæмбырд кæндзæн 400 æрыгон сфæлдыстадон адæймаджы Хъырымы Республикæ Судакы аивадон кластер «Таврида»-йы.
Скъолайы уыдзæн цыппар аивадон фæзилæны: музыкалон менеджмент, нырыккон музыкæ, модæйы индустри, бынæттон брендтæ æмæ медиа-контент.
Музыкалон менеджменты аивадон скъолайы архайджытæ араздзысты ног музыкалон проекттæ уырыссаг æвзагыл æмæ сахуыр кæндзысты продюсеры куысты æххæст цикл – концепци аразынæй базарадмæ ракæныны онг.
Нырыккон музыкæйы аивадон скъолайы архайджытæ сæ тыхтæ бафæлвардзысты шоутæ æмæ проекттæм æвзарæнты, бастдзинæдтæ стыр лейблтимæ æмæ сæхи музыкалон уацмыстæ сараздзысты зондамонджыты разамындæй.
Модæ æмæ бынæттон брендты аивадон скъола дæтдзæн практикон ахуыртæ уæлæдарæс, згъæрæй конд дзаумæттæ æмæ аксессуарты дизайнертæн, адæмон аивад æмæ æрмдæсныты дæсныйадæн, сæхи брендтæ райрæзын кæнынæн.
Медиа-контенты программæ йæ хъус дардзæн регионалон организациты, фæсивæдон ассоциациты æмæ æхсæнадон организациты реалон хъуагдзинæдтыл бындурон проекттæ аразынмæ. Хуыздæр концепцитæ, гæнæн ис, æмæ райсой реализацийæн æххуыс, архайджытæ та райсдзысты фæлтæрддзинад, Арт-кластеры проекттæ рапарахат кæнынæй.
Архайыны тыххæй курдиæттæ бадæттæн ис хуымгæнæны 21-æм бонмæ сайтыл (https://tavrida.art/races/letnyaya-shkola-sozdateley-trendov).
Архайджытæ лæвар цæрдзысты Арт-кластеры фæзуаты цыппар хуыссæн бынатимæ хæдзары, бон æртæ хатты лæвар хæрыны фадатимæ. Фæндагон хæрдзтæ æххæст кæны æрвитæг.
Студентов СОГУ приглашают в творческие Летние школы «Тавриды»