Цæгат Ирыстоны паддзахадон университеты студенттæ æнтыстджынæй архайдтой Уæрæсейы уæгъдибар хъæбысхæстæй студентон чемпионаты æмæ систы Уæрæсейы иугонд командæйы уæнгтæ.
Чемпионат ацыд Мæскуыйы хуымгæнæны мæйы 16-20-æм бонты. Экономикон, юридикон, физкультурæ æмæ спорты факультетты студенттæ æмæ рауагъдонтæ систы уæлахиздзаутæ æмæ призертæ. Сæ уæзты категориты сызгъæрин майдантæ рамбылдтой Багаты Арслан (92 кг онг), Кцойты Алихан (97 кг онг) æмæ Таугæзты Ирбег (125 кг онг).
Æвзист майдантæ райстой Годжыцаты Станислав (86 кг онг), Токты Сослан (92 кг онг) æмæ Бекъойты Артур (97 кг онг). Бронзæ майдантæ рамбылдтой Дзаттиаты Альберт (61 кг онг), Дзирати Алан, Мысостаты Сæрмæт (74 кг онг), æмæ Абайты Георгий (79 кг онг).
Турниры фæстиуджытæм гæсгæ спортсментæ бацыдысты Уæрæсейы иугонд командæмæ. Зæрдæвæрæны мæйы 24-æм бонæй хурхæтæны мæйы 7-æм бонмæ Дзæуджыхъæуы сæхи цæттæ кæндзысты университетты ‘хсæн дунейы чемпионатмæ, ацæудзæн Бразилийы хурхæтæны мæйы 10-14-æм бонты.
Студенты-спортсмены СОГУ вошли в сборную России по вольной борьбе