Дзæуджыхъæуы РЦИ-Аланийы мобилон æвзæрсты хайады минæвæрттæ сарæзтой информацион-æмбарынгæнæн куыст æнæпилотон системæты тыхты контрактмæ гæсгæ æфсадмæ бацæуыны гæнæнты тыххæй Цæгат Ирыстоны паддзахадон университеты студенттимæ.

Уæрæсейы хъахъхъæнынады Министрад хъусын кæны æнæпилотон системæты æфсæдты контрактмæ гæсгæ службæ кæныны ныртæккæйы домæнты тыххæй. Ацы информаци, гæнæн ис, æмæ цымыдисон уа, æввахс азты ахæм куыстмæ чи хъавы, уыдонæн.

Уæрæсейы хъахъхъæнынады Министрад хъусын кæны контрактмæ гæсгæ æфсæддон службæмæ æвзæрсты тыххæй. Æвзæрст цæуыдзысты Уæрæсе æмæ СНГ-йы бæстæты цæрджытæ 18 азæй 60 азы онг кæуыл цæуы, ахæмтæ.

Æнæпилотон системæты æфсæдты ахуырадон центрты æмæ дæлхайæдты контракт бафысгæйæ, лæвæрд цæуы иухаттон фиддон 3 400 000 сомы бæрц, уыдонæй 3 000 000 сомы фиды Цæгат Ирыстон-Алани, 400 000 та Уæрæсейы хъахъхъæнынады Министрад. Контрактмæ гæсгæ архайджытæн ис бар социалон льготæтæ æмæ гарантитæ службæгæнджытæн æмæ сæ бинонтæн, кредиты хæстæ 10 милуан сомы онг хатыр кæнынæн, хæстон ветераны статусæн, стæй æфтиаджы æмæ ипотекæйы системæйы фæрцы хъахъхъæнынады Министрады æххуысæй цæрæнуæттæ балхæныны фадат. Æрвылмæйон мызд райдайы 240 мин сомæй.

Дзæуджыхъæуы контрактмæ гæсгæ æфсæддон службæмæ исыны центры ныртæккæ куст цæуы Гарзджын Тыхты æнæпилотон системæты æфсæдты ног дæлхайæдтыл. Кæсынц 18 азæй 45 азы онг кæуыл цæуы, ахæм кандидаттæм, се ‘нæниздзинады категори А кæнæ В æмæ æппынкъаддæр дыккаг категорийы профессионалон æмæ психологон æмбæлондзинадимæ. Равзæрст цæуы æнæпилотон хæдтæхджыты операторты, инженерты, техникты æмæ æндæр æфсæддон дæсныйæдтæм. Æвзарæн центыры, кæй фæнды, уыдонæн сæ бон у сæ арæхстдзинад бафæлварын FPV-дроны тренажерыл æмæ базонгæ уæвын æнæпилотон системæты тыхтæ цы профилон кусæнгæрзтæй пайда кæнынц, уыдонимæ.

Дзæуджыхъæуы Титовы уынджы 5-æм хæдзары ис контрактмæ гæсгæ фыццаг категорийы æфсæддон службæмæ бацæуыны центр, телефон 88672768375, кæнæ та бадзурут уæ бынæттон военкоматмæ. Контрактмæ гæсгæ æфсадмæ бацæуыны тыххæй фæрстытæн уайтагъд дзуапп райсæн ис номыр 117#4-мæ гæсгæ. Уæлæмхасæн информаци ма райсæн ис официалон сайты.

Студентам СОГУ рассказали о возможностях поступления на военную службу