Ныртæккæ ист цæуынц курдиæттæ III Æхсæнадæмон радиофестиваль “СЛУШАЯ-ВИДЕТЬ”-мæ ‒ фæзуатмæ, æппæт дунейæ æрыгон радиопрограммæтæ æмæ подкасттæ аразджытæ кæм æмбырд кæнынц.
Архайыны бар ис ахуырадон æмæ социалон нысаниуæгджын темæтыл здæхт радиоалæвæрдты æмæ подкасты автортæн.
Фестивалы аразджытæ сты В.А. Славинæйы номыл журналистикæйы Институты журналистикæ æмæ медиакоммуникациты кафедрæ, Мæскуыйы паддзахадон педагогон университеты журналистикæйы медиа-ахуырады æмæ коммуникациты кафедрæ æмæ студентон радиостанцæ «Пульс».
Фестивалы нысан у æрыгон журналисттæн æмæ медиа-сфæлдисджытæн æххуыс кæнын, аудиоконтент аразæг, зонад, литературæ, аивад, спорт, æмæ педагогикæ æмæ ахуырады гуманитарон хъуыдытæ парахат кæнынæн, афтæ ма историон мысынад æмæ культурон бынтæ бахъахъхъæнæн.
Фестиваль ацæудзæн хъæццæ хуызы.
Куырдиæттæ ист цæудзысты 2026 азы хуымгæнæны 29-æм бонмæ. Æрмæджытæ æрбарвысты фæстæ 2026 азы зæрдæвæрæны 6-æм бон жюри æркæсдзæн æрмæгмæ æмæ равзардзæн хуыздæр проекттæ. Фестивалы финалисттæ сбæрæг уыдзысты 2026 азы зæрдæвæрæны 9-æм бон организаторты официалон информацион ресурсты. Уæлахиздзаутæ æмæ призерты нæмттæ сбæрæг уыдзысты 2026 азы зæрдæвæрæны 16-30 бонты.
Хорзæхджын кæныны церемони ацæудзæн Мæскуыйы паддзахадон педагогон университеты журналистикæйы, бастдзинады æмæ медиа-ахуырады институты (Уæллаг Радищевскийы уынг,16–18). Цæудзæн онлайн-трансляци дæр.
Студентов СОГУ приглашают к участию в международном радиофестивале «СЛУШАЯ-ВИДЕТЬ»