Нырыккон технологитæ тагъд ивынц бирæ дæсныйæдтæ æмæ æфсæддон хъуыддаг дæр сæ хыгъды. Абон уый ӕрмӕст физикон цӕттӕдзинад нӕу, фӕлӕ ма бӕлвырд системӕтимӕ куыст, программӕтӕ аразын ӕмӕ вазыгджын кусӕнгӕрзтæй пайда кӕнын. Университеты мах ахуыр стæм алыхуызон фадгуыты ног карьерæйы фадæттæм хъус дарын.
Уæрæсейы Хъахъхъæнынады министрад хъусын кæны æнæпилотон системæты æфсадмæ контрактмæ гæсгæ службæмæ бацæуыны актуалон уавæртæм гæсгæ. Ацы информаци, гæнæн ис, æмæ пайда уа, æввахс азты ахæм куыстмæ чи хъавы, уыдонæн.
Уæрæсейы Федерацийцы хъахъхъæнынады министрад хъусын кæны контрактмæ гæсгæ æфсæддон службæмæ куыд æвзарынц, уый тыххæй. Нымад цæуынц Уæрæсе æмæ СНГ-йы бæстæты адæм 18 азæй 60 азы онг кæуыл цæуы, ахæмтæ.
Æнæпилотон системæты æфсæдты ахуырадон центрты æмæ дæлхайæдты контракт бафысгæйæ, лæвæрд цæуы иухаттон фиддон 3 400 000 сомы бæрц, уыдонæй 3 000 000 сомы фиды Республикæ Цæгат Ирыстон-Алани, 400 000 та Уæрæсейы Хъахъхъæнынады министрад. Контрактмæ гæсгæ архайджытæн ис социалон льготæтæ æмæ гарантитæй пайда кæныны бар, æфсæддон службæгæнджытæн æмæ сæ бинонтæн 10 милуан сомы онг хæстæ ныххатыр кæнын, хæстон ветераны статус райсын, стæй æфтиаджы æмæ ипотекæйы системæйы фæрцы Хъахъхъæнынады министрады фæрцы цæрæнуæттæ балхæныны фадат. Мызды бæрц мæймæ райдайы 240 мин сомæй.
Дзæуджыхъæуы контрактмæ гæсгæ æфсæддон службæмæ исыны центры ныртæккæ куст цæуы Гарзджын Тыхты æнæпилотон системæты æфсæдты ног дæлхайæдтыл. Кæсынц 18 азæй 45 азы онг кæуыл цæуы, ахæм кандидаттæм, се ‘нæниздзинады категори А кæнæ В æмæ æппынкъаддæр дыккаг категорийы профессионалон æмæ психологон æмбæлондзинадимæ. Равзæрст цæуы æнæпилотон хæдтæхджыты операторты, инженерты, техникты æмæ æндæр æфсæддон дæсныйæдтæм. Æвзарæн центыры, кæй фæнды, уыдонæн сæ бон у сæ арæхстдзинад бафæлварын FPV-дроны тренажерыл æмæ базонгæ уæвын æнæпилотон системæты тыхтæ цы профилон кусæнгæрзтæй пайда кæнынц, уыдонимæ.
Дзæуджыхъæуы Титовы уынджы 5-æм хæдзары ис контрактмæ гæсгæ фыццаг категорийы æфсæддон службæмæ бацæуыны центр, телефон 88672768375, кæнæ та бадзурут уæ бынæттон военкоматмæ. Контрактмæ гæсгæ æфсадмæ бацæуыны тыххæй фæрстытæн уайтагъд дзуапп райсæн ис номыр 117#4-мæ гæсгæ. Уæлæмхасæн информаци ма райсæн ис официалон сайты.
