Сфæлдыстадон къабæзты амалхъом адæмæн уыдзæн фадат сæ брендтæ фæбæрзонддæр кæнын æмæ сæ системон æмвæзадмæ рахæссын – 2026 азы зæрдæвæрæны 25 бонæй сусæны мæйы 15-æм бонмæ «Меганом»-ы сфæлдыстадон индустрийы Академийы ацæудзæн программæ «Интенсив для молодых предпринимателей «Локальные бренды: развитие и продвижение».
Хуынд цæуынц студенттæ æмæ æрыгон специалисттæ: уæлæдарæсы дизайнертæ, фæлындæнтæ æмæ аксессуартæ, предметты дизайнертæ æмæ бынæттон брендты бындурæвæрджытæ.
Программæ здæхт у, фыццаг аудитори чи æрæмбырд кодта æмæ æнæфæцудгæ рæзт æмæ æнцонбазонынадмæ чи тырны, уыдонмæ. Архайджытæ базондзысты, куыд хъæуы сæ проекттæ аразын: базарадон æмæ нысангонд аудиторийы анализæй продукты стратегимæ, финансон фæтк æмæ эффективон маркетингон коммуникацитæ аразынмæ.
Регистраци гом у хуымгæнæны 19-æм бонмæ. Бæлвырддæр базонын æмæ курдиат бадæттæн ис сайтыл (https://tavrida.art/academy/programs/intensiv-dlya-molodyh-predprinimateley).
Ахуыртæ цæудзысты дыууæ къæпхæнæй. Онлайн – зæрдæвæрæны 25-æм бонæй хурхæтæны 3-æм бонмæ, архайджытæ сахуыр кæндзысты теоретикон бындур æмæ экспертты разамындæй сараздзысты бренды размæцыды концепци.
Хуыздæр проектты автортæн фадат уыдзæн сæ ахуыр адарддæр кæнын офлайн – сусæны мæйы 9-15-æм бонты. Уыдон ацæудзысты интенсивон практикон ахуыртæ: хуыздæр эксперттимæ куыст, индивидуалон консультацитæ, æмæ æмгуыстад.
Программæ фæуыдзæн равдыст æмæ презентацийæ, архайджытæ равдисдзысты сæ проекттæ потенциалон партнертæн Арт-Кластерæн. Хуыздæр проекттæ райсдзысты æмгуыстады æркуырдтæ æмæ фадат суæвын Арт-кластеры резиденттæ, архайын стыр мадзæлтты, уыцы нымæцы «Tаврида.AРT», ацæудзæн майрæмы мæйы 7-9-æм бонты.
Как вывести локальный бренд на новый уровень: стартует интенсив для молодых предпринимателей