ЦИПУ-йы ректор Огъуаты Алан фембæлд университеты органикон химийы кафедрæйы ассистент Махъоты Таймуразимæ. Уый æнтыстджынæй бахъахъхъæдта йæ диссертаци химион зонæдты кандидаты дæсныйадыл.

Фембæлды ма архайдтой наукон дæсныйадæй ректоры хæдивæг Тенгиз Тиникашвили æмæ æрдзон зонæдтæ æмæ технологиты факультеты декан Сергей Скупневский.

Æрыгон ахуыргондæн йæ иртасæн куыст нысангонд у фуранты химийы рагон фарст аскъуыддзаг кæнынæн. Фураны циклтæ сты уæлдай цымыдисон ног хостæ æмæ электроникæйы æрмæг аразынæн: уыдонæн сæ бон у молекулæтæн ахсджиаг миниуджытæ дæттын, зæгъæм, доны хуыздæр атайындзинад æмæ электрон тыхы хуыздæр ауагъд.

Махъоты Таймураз радзырдта йæ тæлмæнтæ диссертаци хъхахъхъæныны фæдыл æмæ æрдзырдта фидæны пълæнтты тыххæй.

«Диссертаци бацæттæ кæнынæн бахъуыд бирæ рæстæг æмæ хъару, уымæ гæсгæ мын уыд тынг зæрдæмæхъаргæ æнкъарæнтæ. Уый у ахсджиаг къæпхæн æмæ райдайæн дарддæры зонадон куыстæн. Фæнды мæ дарддæр дæр иртасæн куыст кæнын æмæ мæ бавæрæн бахæссын наукæ æмæ университеты рæзтмæ», – загъта Махъоты Таймураз.

Огъуаты Алан та фæнысан кодта, æрыгон ахуыргæндтæн ахсджиаг кæй у рагагъоммæ дæргъвæтин профессионалон стратеги аразын.

«Æнæмæнг хъæуыу бамбарын, цавæр зонадон хæслæвæрдтыл нæ бахъæудзæн бакусын æввахс азты, куыд цæуын хъæуы дарддæр докторон диссертаци бахъахъхъæнынмæ, ахуырадон æмæ грантон архайды рæзтмæ, регион æмæ университеты домæнтæм гæсгæ зонадон фæтк саразынмæ. Ахсджиаг у, факультет æмæ кафедрæйы рæзынадæн снысан кæнын хæсæвæрдтæ æмæ хи зонадон командæ æрæмбырд кæнын», –  загъта Огъуаты Алан.

Махъоты Таймураз равдыста йæ цæттæдзинад дарддæр дæр бæстæйы æмæ республикæйы сæраппонд кусынмæ, наукæ рæзын кæнынмæ æмæ регионы зонадон гæнæнтæ фæтыхджындæр кæнынмæ.

Махъоты Таймураз рацыд ахуыргæндты бинонтæй – йæ фыд Махъоты Тамерлан, физикон-математикон зонæдты доктор, ЦИПУ-йы конденсацигонд буаргъæдты физикæйы кафедрæйы сæргълæууæг. Ахуыргонд архайы уæлцъары æмæ нанотехнологиты физикæ, æрдæгхæццæгæнæн физикæйы æмæ æндæр фадгуыты иртасæн куыстытыл. Уый ма у, нефты продукттæ æмæ пластик чи ныппырх кæны, ахæм катализаторы аразæг.

Уæ зæрдыл уын æрлæууын кæндзыстæм, ректор Огъуаты Алан раздæр университеты æрыгон кусджытимæ сарæзта фембæлд кандидатон диссертацитыл куыст фæкарздæр кæныныл æмæ университеты æххуысы мадзæлттыл, уыцы нымæцы финансон разæнгард. Зæгъæм, æрыгон ахуыргæндтæн сæ бон у райсын иухаттон фиддон 100 мин сомы, кандидатон диссертаци æнтыстджынæй бахъахъхъæныны тыххæй, 300 мин сомы докторон диссертаци бахъахъхъæныны фæдыл, 500 мин сомы та, 35 азы онг æй чи бахъахъхъæна, уыдонæн. Зонадон разамонджытæ та райсдзысты преми 50 мин сомы кандидаты бацæттæ кæныны фæдыл.

Алан Огоев поздравил Таймураза Магкоева с присуждением кандидатской степени