Фембæлд ацыд Цæгат Ирыстоны паддзахадон университеты математикæ æмæ компьютерон зонæдты факультеты ахуыргæнджытимæ. Гом диалоджы форматы профессор радзырдта нырыккон паддзахадон боны фæткыл. Бæлвырддæр ныхас цыд Уæрæсейы Федерацийы Президенты политикон уынаффæтæ æмæ сæ нысаниуæг бæстæйы социалон-экономикон рæзтæн, стæй мидполитикæйы приоритеттæм.
Сæрмагондæй æргом аздæхтой информацион боны фæткмæ, баст уыд Уæрæсейы Гарзджын Тыхты архайдимæ сæрмагонд æфсæддон операцийы рæстæджы.
Йæ ныхасы рæстæг лектор лæмбынæг æрдзырдта ацы темæтыл, фæнысани сын кодта сæ практикон нысаниуæг æмæ æрхаста дæнцæгтæ, цæугæ процесстæ хуыздæр бамбарынæн.