Цæгат Ирыстоны паддзахадон университеты зынаргъ ахуыргæнджытæ, кусджытæ, æмæ студенттæ, стæй республикæйы кадджын цæрджытæ!
Зæрдиагæй уын арфæ кæнын Уæлахизы боны – хъæбатырдзинад, фидардзинад æмæ Райгуырæн бæстæмæ æгæрон уарзты табуйаг бæрæгбоны фæдыл.
Фыдыбæстæйы Стыр хæст фæхæццæ алы бинонтæм дæр, алы хæдзармæ дæр. Нæ университет дæр фæсте нæ баззад. ЦИПУ-йы 600 студентæй фылдæр, ахуыргæнджытæ æмæ кусджытæ сыстадысты сæ райгуырæн бæстæ бахъахъхъæнынмæ, ныууагътой аудиторитæ, зонадон-иртасæн куыст æмæ сæ сабыр цард сæ бæстæйы фидæны сæраппонд. Уыдонæй 120-йæ фылдæр фæстæмæ нал æрыздæхтысты. Университетæн уыдон сты æрмæст нымæцтæ нæ – уыдон сты, йæ азгайфысты æнустæм фыст кæмæн сты, уыцы адæмы хъысмæттæ, куыд Фыдыбæстæйæн уæлдæр лæггад, хæс æмæ адæмы раз сæрмагонд бæрндзинады дæнцæгтæ.
Абон та истори ногæй фæлвары нæ хъару. Нæ студенттæй 70 æмæ дыууæ ахуыргæнæджы сты сæрмагонд æфсæддон операцийы, Райгуырæн бæстæйæн лæггад кæныны традици адарддæр кæнгæйæ, бæстæйы хъысмæты хæсыл иузæрдион æмæ бæрнон уæвгæйæ.
Абоны фæсивæдæн уæлдай ахсджиаг у, цæмæй нæ адæм цы бафæрæзтой æмæ Уæлахизæн цы аргъ бафыстой, уый тыххæй рæстдзинад ма рох кæной. Мысæн æрмæст ахуыргæнæн чингуыты æмæ архивон хуызистыты сыфтæ не сты. Уый у моралон бындур, фæлтæрты æхсæн бастдзинад, æмæ æмбарынад, сабырдзинад, ахуыр кæныны, кусыны, бæллицты æмæ фидæн аразыны фадат æлхæд кæй æрцыдысты æгæрон аргъæй.
Мæ зæрдæ зæгъы, цæмæй нæ фыдæлты хъæбатырдзинады мысынад фæлтæртæн зынаргъ уа. Кæддæриддæр аргъ кæнæм нæ иудзинадæн, нæ хæлардзинадæн, нæ фæндонæн цæрынмæ, сфæлдисынмæ, аразынмæ æмæ иннæтимæ зонындзинæдтæ дих кæнынмæ, уымæн æмæ уый тыххæй тох кодтой нæ хистæртæ.
Уадз æмæ алы хæдзары дæр уа сабырдзинад, фарн æмæ фидæны ныфс.
Бæрæгбоны хорзæх уæ уæд! Уæлахизы боны хорзæх уæ уæд!
Поздравление ректора СОГУ Алана Огоева с Днём Победы в Великой Отечественной войне
ЦИПУ-йы ректор
Огъуаты Алан