Цæгат Ирыстоны Хетæгкаты Къостайы номыл паддзахадон университеты 11-æмæй 13-æм маймæ цæудзæн хуыздæр профбюройы æппæтуæрæсеон конкурс «Ты — Лидер»-ы регионалон къæпхæн.
Йæ байгом кæныны кадджын мадзал уыдзæн 11-æм майы 15 сахаты æмæ 30 минутыл Цæгат Ирыстоны паддзахадон университеты зонадон библиотекæйы. Ерысты архайдзысты Цæгат Кавказы федералон зылды университетты командæтæ: ДСПУ, КБГУ, СКФУ, æмæ ЦИПУ. Хъусджытæ уыдзысты СГПИ, ПГУ, КЧГУ æмæ СКГМИ студенттæ.
Жюримæ бацыдысты КФУ-йы фæсивæдон политикæ, социалон фæрстытæ æмæ физкультурæ æмæ спорты рæзты хайады директор Юлия Виноградова; Доны паддзахадон техникон университеты студентты райдайæн профцæдисы сæрдар æмæ Хуссар федералон зылды студентты координацион советы сæрдар Хвостов Антон; æмæ Æппæтуæрæсеон ахуырады профцæдисы Студентты координацион советы секретарь Юлия Зонова.
Архайджытæ хъуамæ сæххæст кæной цалдæр профилон фæлварæны. Жюри аргъ кæндзæн сæ зонындзинæдтæн нормативон-барадон хайы, информацимæ кусыны дæсныйады, разамонæджы фæлтæрддзинады, къордæн разамынд дæттыны, хыгъдтæ дарыны æмæ сфæлдыстадон проблемæтæ скъуыддзаг кæныны тыххæй. Конкурсанттæ ма фендзысты ахуырадон программæ æмæ культурон-хиирхæфсæн программæ.
Ерысты фæстæ уæлахиздзау командæ йæ районы номæй архайдзæн кæронбæттæн туры Мæскуыйы.
Мадзал аразджытæ сты Цæгат Ирыстоны республикон профцæдисты организаци, Цæгат Кавказы федералон зылды профцæдисы студентон координацион совет, Цæгат Ирыстоны Хетæгкаты Къостайы номыл паддзахадон университет æмæ Цæгат Ирыстоны паддзахадон университеты студентты профцæдис.
В СОГУ пройдет окружной этап конкурса на лучшее профбюро «Ты лидер»