Цæгат Ирыстоны Хетæгкаты Къостайы номыл паддзахадон университет рауагъта бардзырд, кандидатон æмæ докторон диссертацитæ æнтыстджынæй бахъахъхъæныны тыххæй зонадон-педагогон кусджытæн иухаттон разæнгардгæнæн фиддонтæ снысан кæныны фæтк.
Раздæр фиддонтæ дихгонд цыдысты æрвылмæйон мыздмæ уæлæмхасæнты хуызы. Ныр та уыдзысты иухаттон разæнгардгæнæн фиддонтæ. Ног уагæвæрдмæ гæсгæ кусджытæ кандидатон диссертаци æнтыстджынæй бахъахъхъæныны тыххæй райсдзысты иухаттон фиддон 100 мин сомы. Æрыгон ахуыргæндтæ райсдзысты 300 мин сомы докторон диссертаци бахъахъхъæныны тыххæй, 37 азы онг докторон диссертаци чи бахъахъхъæна, уыдонæн та фиддон уыдзæн 500 мин сомы. Наукон разамонджытæ ма райсдзысты преми 50 мин сомы бæрц, кæй сæ бацæттæ кодтой, уый фæдыл.
Разæнгардгæнæн фиддон райсыны фæдыл хъуамæ бадæттой курдиат наукон-педагогон кадртæ цæттæдзинады хайадмæ снысангонд формæйыл, кандидаты кæнæ докторы дипломимæ иумæ. Документтæ бадæттæн ис электрон хуызы дæр.
В СОГУ утвержден новый порядок поощрительных выплат за защиту диссертаций