Псковы паддзахадон университет Уæрæсейы Федерацийы наукæ æмæ уæлдæр ахуырады министрады æххуысæй расидтис конкурсы райдайæнмæ проект «Хæсты ныййазæлд. Иумæ бахъахъхъæнæм мысынад!”-мæ.
Конкурсы нысан у Фыдыбæстæйы Стыр хæсты историон мысынад æмæ советон æфсæддонты хъæбатырдзинады историон мысынад бахъахъхъæнынмæ фæсивæды активонæй æрбангом кæнын æмæ цæуы ахæм категориты:
– «Уæлахиздзау хъæбатырты сгуыхтдзинад» – хæсты рæстæджы советон адæмы сгуыхтдзинадæн нывонд хуыздæр иртасæн куыст (уыимæ архивон гæххæттытимæ куыст æмæ Фыдыбæстæ хъахъхъæнджыты хъæбатырдзинады тыххæй ног факттæ агурын);
– «Райгуырæн бæстæ хъахъхъæнын у хи кад хъахъхъæнын» -эссеты конкурс;
– «Хæсты удæгас хроникæ» – хæсты рæстæджы чи фæмард, уыдоны номарæн сæнусон кæныны тыхархайд æвдисæг хуыздæр видеоклип.
Конкурсы уæлахиздзаутæ – хуыздæр уацмысты автортæ – архайдзысты 2026 азы 19 – 22-æм июнмæ Белоруссийы горæт Бресты республикон фæсивæдон патриотон форум «Мысæн цитадель: хæсты зæлтæ. Иумæ бахъахъхъæнæм мысынад»-ы кæронбæттæн (комкоммæ) къæпхæны.
Архайды фæдыл æнæмæнг хъæуы 2026 азы 25 маймæ хи бафыссын, æмæ конкурсы уагæвæрдмæ гæсгæ æрвитын конкурсы куыст электронон постмæ: voiny.e@yandex.ru.
Открыт прием заявок на конкурс «Эхо войны. Сохраним память вместе!»