Цæгат Ирыстоны паддзахадон университеты къæбиц арвыста хæлцадон паёктæ сæрмагонд æфсæддон операцийы архайæг æфсæддон службæгæнджытæн.
Мадзал арæзт æрцыд Фыдыбæстæйы Стыр хæсты райдайæны 85 азы юбилеимæ æмæ уыд университеты архайды хай æфсæддон операцийы архайджытæн æххуыс кæныны фæдыл. Раздæр, фестиваль «ЦИПУ-йы студентон уалдзæг»-мæ билеттæ уæй кæныны æфтиæгтæй балхæдтой хæринæгтæ университеты къæбицæн. Уый фæрцы рауадзынæн фадат фæцис дæргъвæтин хъахъхъæныны рæстæг кæмæн ис, ахæм 700 паёкы.
«Мах тырнæм не ‘фсæддонтæн алы хуызы дæр æххуыс кæнынмæ. Уæлдай ахсджиаг у, цæмæй студенттæ активонæй архайой ацы куысты – уыдон сæхæдæг æрбацæуынц къæбицмæ, æххуыс кæнынц паёктæ бацæттæ æмæ æмбырд кæнынæн. Махæн уый æрмæст гуманитарон архайд нæу, фæлæ фадат бузныг зæгъынæн, абон нæ бæстæ чи хъахъхъæны, уыдонæн. Уырны нæ, ацы æххуыс æфсæддонтæ сæ зæрдыл кæй дардзысты, хæдзары сæм кæй æнхъæлмæ кæсынц, аргъ сын кæй кæнынц æмæ сын æххуыс кæй сты», – фæнысан кодта ЦИПУ-йы фæсивæдон политикæ æмæ административон куысты фæдыл проректор Кокайты Алан.
Хæринæгтæм бацыдысты дзидза, хус дыргътæ æмæ æндæр продукттæ, дæргъвæтин æвæрынæн рæстæг æмæ быдырон уавæрты æнцон пайда кæныны уавæр кæмæн ис, ахæмтæ. Цæттæгонд хæринæгтæ тагъд рæстæджы лæвæрд æрцæудзысты, сæрмагонд æфсæддон операциты зонæйы хæслæвæрдтæ æххæсгæнæг æфсæддонтæм.
СОГУ передал военнослужащим около 700 продовольственных пайков