Беларусийы Республикæйы сæйраг горæт Минскы ацыд IV Æхсæнадæмон антифашистон конгресс, нывонд уыд нырыккон дунейы фашистон æмæ нацистон идейæтæ парахат кæныны ныхмæ тох кæнынæн, дунеон æдасдзинад фидар кæнынæн, историон рæстдзинад бахъахъхъæнынæн.
Конгресс æрæмбырд кодта хицауады, зонадон, ахуырадон æмæ æхсæнадон уагдæтты минæвæртты алы бæстæтæй, цæмæй сарæзтаиккой иумæйаг мадзæлттæ неонацизм, экстремизм æмæ истори фальсификацийы ныхмæ, стæй Дыккаг дунеон хæсты цауты историон мысынад бахъахъхъæныны тыххæй.
Цæгат Ирыстоны Хетæгкаты Къостайы номыл паддзахадон университеты цур Æфсæддон-ахуырадон центры курсанттæ, ахуырадон центры ахуыргæнджытæ, подполковник запаса Болататы Олег æмæ фæсивæдон политикæ æмæ социалон хъуыддæгты фæдыл управленийы сæргълæууæг Ханайты Измаил баиу сты видеоконференцийы фæрцы.
Конгресс райдыдта Уæлахизы фæзы венок сæвæрыны мадзалæй. Архайдтой дзы Белорусийы хицауады уагдæтты, патриотон æхсæнадон иугæндты æмæ политикон партиты, фæсивæдон уагдæтты, дины конфесситы минæвæрттæ, фæсарæйнаг æфсæддон делегациты уæнгтæ.
Форумы архайджытæм арфæ ракодтакодта Республикæ Белоруссийы Президент Александр Лукашенко. Церемонийы фæстæ ацыд пленарон æрбадт, йæ рæстæджы 25 архайæджы бакастысты сæ докладтæ. Форумы куысты фæстиуæгæн райст æрцæудзæн æппæтдунеон æмæхсæнадмæ здæхт резолюци.
Курсанты Военного учебного центра СОГУ приняли участие в международном антифашистском конгрессе