Ростовы экономикæйы паддзахадон университеты дыууæ боны дæргъы ацыд ахуырадон курс Хуссар æмæ Цæгат Кавказы федералон зылдты, стæй историон территориты университетты ахуыргæнджытæн, ахæм темæйыл: «Æхцайы политикæ: теори, фæлтæрддзинад æмæ иртасæн куыст». Архайдтой дзы Цæгат Ирыстоны паддзахадон университеты экономикæ æмæ разамынды факультеты ахуыргæнджытæ.
Программæ здæхт уыд Уæрæсейы экономикæйы райрæзты актуалон фæрстытæм æмæ экономикæйы ахуырад фæхуыздæр кæнынмæ. Архайджытæн уыд фадат фæарфдæр кæнын сæ зонындзинæдтæ æхцайы политикæйы тыххæй æмæ базонгæ уæвын нырыккон финансон къабазы хуыздæр экспертты нырыккон иртасæнтимæ æмæ практикон фæлтæрддзинадимæ.
Цæгат Ирыстоны паддзахадон университетæй архайджыты нымæцы уыдысты экономикæ æмæ разамынды факультеты декан æмæ экономикон зонæдты кандидат Геннадий Родионов, стæй экономикæ æмæ разамынды кафедрæйы доценттæ æмæ экономикон зонæдты кандидаттæ Лолаты Бэлæ æмæ Хъуылымбегты Тæирæ.
Программæйы сæйраг раныхасгæнджытæй иу уыд Уæрæсейы Банчы сæрдары уынаффæгæнæг Кирилл Тремасов, уый æрдзырдта æхцайы политикæйы нырыккон тенденцитыл æмæ æвзарæнтыл. Æрæмбырдуæвджытæн арфæ ракодта Ростовы Экономикæйы паддзахадон университеты ректор Елена Макаренко дæр, фæнысан кодта факультеты сæрмагонд нысаниуæг фидæны экономистты цæттæ кæныны æмæ студентты нырыккон экономикон процессты тыххæй æмбарынад рæзын кæныны хъуыддаджы.
Цыбыр курс сарæзта Уæрæсейы Банчы Хуссайраг сæйраг хайад. Архайдтой дзы экономикæйы дæсныйадæй 250 ахуыргæнæджы æппæт бæстæйæ. Æрæмбырдуæвджытæ ма байхъуыстой Уæрæсейы Банчы Университеты финансон базарады квалификаци райрæзын кæныны хайады сæргълæууæг Екатеринæ Поповамæ, Уæрæсейы Банчы æхцайон политикæйы управленийы минæвæрттæм æмæ Уæрæсейы Банчы хуссайраг сæйраг хайады разамонæджы хæдивæг Александр Гостевмæ.
Преподаватели СОГУ приняли участие в образовательной программе по денежно-кредитной политике