Цæгат Ирыстоны Хетæгкаты Къостайы номыл паддзахадон университеты ахуыргæндтæ аразынц ног каталитикон системæтæ, уыдон фадат ратдзысты сноггæнæн хомагæй перспективон хосгæнæн буаргъæдтæ аразынæн. Ацы райрæзт, гæнæн ис, æмæ фæрогдæр кæна ног фæлтæры антибиотиктæ ныхмæлæууæг инфекцитимæ тох кæнынæн хостæ аразынæн, фехъусын кодта ТАСС-ы пресс-центрæн ЦИПУ-йы ректор Огъуаты Алан.
Проект «Новые каталитические системы эффективной конверсии возобновляемого сырья в ключевые интермедиаты тонкого органического синтеза» æмдзу кæны Уæрæсейы приоритетон зонадон-технологон рæзты фадгуытимæ æмæ здæхт у фармацевтон индустрийæн экологон æмæ ресурстæ хъахъхъæнæг технологитæ саразынмæ. Иртасæн куыстытæн университет æхцайы фæрæзтæ райста Уæрæсейы наукæты фонды гранты фæрцы.
Æрдзон зонæдтæ æмæ технологиты факультеты декан Сергей Скупневскийы ныхасмæ гæсгæ, раиртæсты сæйраг нысантæй иу у ног иугæндтæ сбæрæг кæнын бæрзонд биологион активондзинадимæ, кæцытæ, гæнæн ис, æмæ бындур æвæрой инновацион препараттæн. Ахуыргæндтæ уæлдай æргом здахынц антибиотикты ныхмæлæуддзинады тохмæ – бактеритæн сæ бон у антибиотикты ныхмæлæуддзинад райтынг кæнын. Эксперттæ куыд нымайынц, афтæмæй 2050 азмæ хостæн æнæфæразгæ бактеритæй æвзæргæ инфекцитæ æрвылаз дæр амæлдзысты 10 милуан адæймаджы онг. Æппæты тæссагдæр патогенты нымæцы сты метициллинæн æнæфæразгæ Staphylococcus aureus æмæ туберкулез, æппæт дунейы æнæниздзинад хъахъхъæныны системæйы йын ис стыр тас.
Проекты фæлгæтты ахуыргæндтæ æрхъуыды кæндзысты хуымæтæг æмæ экономикон эффективон органикон синтезы методтæ, цæмæй рауадзой ног иугæндтæ, кæцытæн ис потенциалон бæрзонд биологион активондзинад. Сноггæнæн хомаг æмæ нырыккон каталитикон системæтæй пайда кæнын фæкъаддæр кæндзæн рауагъды хæрдзтæ æмæ фæкъаддæр кæндзæн химион процессты экологион æндæвдад.
Иртасæнты фæстиуджытæ хъуамæ фæуæрæхдæр кæной уæрæсейаг фармацевтон индустрийы гæнæнтæ ног препараттæ аразынæн æмæ ахъаз кæной Уæрæсейы фармацевтон суверенитеты нысантæн.