Цæгат Ирыстоны Хетæгкаты Къостайы номыл паддзахадон университеты ацыд æмбæстагон форум «Уæрæсейы тых нациты иудзинады: фæлтæрты диалог», нывонд у Стыр Фыдыбæстæйон хæсты райдайæныл 85 азы сæххæсты цытæн.
Мадзал бацæттæ кодтой Цæгат Ирыстоны паддзахадон университет æмæ Цæгат Ирыстоны Æхсæнадон палатæ.
Форумы архайджытæ уыдысты Цæгат Ирыстоны Сæргълæууæг Сергей Меняйло, республикæйы парламенты сæрдар Тускъати Таймураз æмæ республикæйы Æхсæнадон палатæйы сæрдар Чиплакова Нинæ. Форуммæ æрбацыдысты хицауадон оргæнты минæвæрттæ, Æхсæнадон палатæйы, Ветеранты советы, Цæгат Ирыстоны æфсæддон зылды ветеранты ассоциацийы, Фыдыбæстæ хъахъхъæнджыты фонды, æхсæнадон организациты, стæй национ культурон иугæндты минæвæрттæ, студенттæ, бархионтæ, æхсæнадон архайджытæ. Форумы агъоммæ уазджытæ æмæ архайджытæ æдзæмæй алæууыдысты фæмардуæвджыты номарæн æмæ дидинджытæ сæвæрдтой Цæгат Ирыстоны паддзахадон университеты ахуыргæнджытæ æмæ студенттæй Стыр Фыдыбæстæйон хæсты фронтты чи фæмард, уыдоны цыртдзæвæны цур.
Уый фæстæ архайджытæ бабæрæг кодтой æфсæддон историйы музейы экспонат филологийы факультеты фойейы æмæ равдыст «Нюрнберджы тæрхæттæ: историйы æнæахуыргонд уроктæ». Равдыст æвдисы Нюрнберджы тæрхондоны сæйраг этаптæ æмæ æвдисы йæ уынаффæты нысаниуæг нырыккон дунейæн.
Форумы пленарон æмбырд байгом кодта Цæгат Ирыстоны сæргълæууæг Сергей Меняйло. Йæ ныстуаны уый бахахх кодта, куыд ахсджиаг у историон мысынад бахъахъхъæнын æмæ йæ фидæны фæлтæртæм хæццæ кæнын.
«Ацы форумы бон æвзæрст æрцыд сæрмагондæй – 85 азы размæ, ацы бон райдыдта Стыр Фыдыбæстæйон хæст. Бирæнацион советон адæм, иумæйаг трагедийы баиугондæй, сыстадысты сæ райгуырæн бæстæ бахъахъхъæнынмæ. Æмæ уыцы иудзинады, уыцы æнæфæцудгæ уæлахизмæ тырнындзинады æвæрд ис не стырдæр тых, фадат нын радта нæ фыдæлтæн быхсын æмæ знаджы ныппырх кæнынæн. Абон та уыцы рæстдзинад хъавынц зыгъуыммæ кæнын, истори ногæй ныффыссын æмæ уæлахиздзау фæлтæры хъайтардзинад æрныллæг кæнын. Уый нæ рауайдзæн «Цалынмæ ацы мысынад нæ зæрдыл дарæм æмæ йæ фæсивæдмæ дæттæм, уæдмæ бæстæйæн ис фидар бындур», – бахахх кодта Цæгат Ирыстоны сæргълæууæг.
ЦИПУ-йы зонадон дæсныйадæй ректоры хæдивæг Тенгиз Тиникашвили бахахх кодта ахæм фæзуæтты ахсджиагдзинад абоны геополитикон уавæрты историон мысынад бахъахъхъæнынæн.
«Уырны мæ, ацы форум хуымæтæджы ивгъуыдæн кад кæй нæу, фæлæ XX -æм æнусы æвирхъаудæр хæсты цаутæ нын куыд æххуыс кæнынц абоны бон бамбарынæн, уый тыххæй ахсджиаг ныхасы фæзуат. Æппæтдунеон æвзарæнты дуджы мах хъуамæ уæм иумæ историон рæстдзинад бахъахъхъæныныл, истори фальсификаци кæныны фæлварæнты ныхмæлæуды æмæ йæ фæстиуджытæ ногæй рафæлгъауынæн ныхмæ лæууæм», – загъта Тенгиз Тиникашвили.
Архайджытæм арфæйы ныхасимæ се ‘ргом раздæхтой Цæгат Ирыстоны парламенты сæрдар Тускъати Таймураз æмæ республикæйы Æхсæнадон палатæйы сæрдар Нинæ Чиплакова дæр.
Форумы уæлдай цæстдарт æрцыд историон мысынад бахъахъхъæнынмæ, æмбæстагон иудзинад сфидар кæнынмæ, фæсивæды патриотон хъомыладмæ, æхсæнадон хъæппæристы бынатмæ, нырыккон информацион æвзарæнты ныхмæ тох кæнынмæ.
Раныхас кодтой Цæгат Ирыстоны ветеранты советы сæрдар Фриаты Хъазыбег, республикæйы фæллойы æмæ социалон рæзты министр æмæ уырыссаг æхсæнад «Знание»-йы лектор Абайты Юрий; «Адæмон фронты фæсивæдон змæлды» регионалон координатор æмæ Цæгат Ирыстоны паддзахадон университеты магистрант Акъоты Батраз æмæ Афганистаны уæлдæфон-десантон тыхты ветеранты советы сæрдар Золойти Игорь.
Форум адарддæр тематикон секциты. Дискусситы архайдтой Цæгат Ирыстоны паддзахадон университеты историктæ, æхсæнадон патриотон организациты минæвæрттæ æмæ æндæр эксперттæ.
В СОГУ обсудили сохранение исторической памяти и единство поколений