Культурæйы фадыджы бархионты Æппæтуæрæсеон æхсæнадон змæлд «Волонтеры культуры», Уæрæсейы Федерацийы Культурæйы министрад, фæсивæды хъуыддæгты фæдыл федералон агентад æмæ ассоциаци «Добро.рф»-ы æххуысæй хъусын кæны Æппæтуæрæсеон акци «Декламируй»-ы байгом кæныны тыххæй, снысан æй кодтой уырыссаг æвзаджы Бонæн æмæ А.С. Пушкины райгуырæн Бонæн.
Уæрæсейы адæмты иудзинады азæй расидгæйæ, 2026 азы акци райсдзæн сæрмагонд мидис. Йæ сæйраг темæ уыдзæн бæстæйы адæмты литературон бынтæ: уырыссаг æвзаг куыд адæмыхæттыты ‘хсæн коммуникацийы æвзаг æмæ культурæ куыд диалоджы фæзуат. Акци «Декламируй»-ы архайджытæ сценæйæ бакæсдзысты уæрæсейаг поэттæ æмæ фысджыты уацмыстæ, уыцы нымæцы Уæрæсейы адæмты æвзæгтыл фыст чи у, уыдон дæр. Равдыстытæ цæуынц уырыссаг æвзагыл. Аивадон равдыстыты фæлгæтты ма радзурдзысты национ æвзæгтыл уацмыстæ дæр.
Акцийы архайæн ис скъоладзаутæн, студенттæн, бинонтæн, бархионтæн, культурæйы уагдæтты кусджытæн, сфæлдыстадон иугæндтæн — литературæмæ хæстæг чидæриддæр у, уыдонæн се ‘ппæтæн дæр.
Акцийы хицæн формат у видеотæ социалон хызæгты. Архайджытæ публикаци кæнынц 60 секунды онг видеотæ хештег #Декламируй2026: бын ныффыссынц цыбыр видеотæ æмдзæвгæ кæсгæйæ кæнæ прозæйæ скъуыддзаг, дзурынц сæ регионы авторыл, æвдисынц йæ цардимæ баст бынат.
Акци цæудзæн æнæхъæн азы дæргъы æмæ нысангонд уыдзæн ахсджиаг культурон æмæ зæрдылдарæн бæлвырд бонтæн. Акцийы мадзæлттæм баиу уæ бон у платформæ Добро.рф-ы.