2026 азы ахуырмæ райсты кампанийы фæстиуджытæм гæсгæ Цæгат Ирыстоны Хетæгкаты Къостайы номыл паддзахадон университеты бюджетон бынæттæм райсгæ абитуриентты рæстæмбис бæрæггæнæнтæ уыдысты 72. Университеты бæрæггæнæнтæм гæсгæ, уый бæстæйы бæрæггæнæнтæй фылдæр у.
Рæстæмбис бæрæггæнæн æвдисы æнæхъæн бюджетон æмбырдгонды цæттæдзинады æмвæзад, уымæ гæсгæ йæ рæзт нымад æрцæудзæн кампанийы сæйраг хæрзхъæд фæстиуджытæй иуыл.
Хицæн æнтыст сси дыууæ абитуриенты райст, алкæцы дæр дзы литературæйæ иумæйаг паддзахадон фæлварæны райста 100 баллы. Иумæйаг паддзахадон фæлварæны (ИПФ) 100 баллы чи райста, уыцы студенттæ арæх нæ равзарынц регионалон университеттæ, уымæн æмæ бæрзонддæр бæрæггæнæнтæ райсыны фадат дæтты бæстæйы стырдæр ахуырадон центрты раззагдæр университеттæм бацæуынæн. Уымæ гæсгæ сæ фæнд ЦИПУ-мæ бацæуын уæлдай нысаниуæгджын у канд университетæн нæ, фæлæ æппæт республикæйæн дæр.
Цæгат Ирыстоны паддзахадон университет раздæр чи равзæрста, уыцы фондз 100 баллонмæ ма 2026 азы бафтыд ноджы дыууæ æмæ сæ иумæйаг нымæц схызт авдмæ. Ацы студенттæн се ‘ппæтæн дæр фадат ис райсын уæлæмхасæн стипендитæ, уый у здæхт иууыл æнтыстджындæр студенттæн æххуыс кæнынмæ æмæ Цæгат Ирыстоны курдиатджын фæсивæды бахъахъхъæнынмæ.
Университетмæ æнæфæцудгæ цымыдисдзинады æндæр бæрæггæнæн у æппæт дæсныйæдтæ æмæ программæтæм бацæуыны ерысхъомдзинад. Иуæй-иу ахуырадон программæтæ уыдысты уæлдай ерысхъом. Уый нысан кæны, æмæ абитуриентты æркуырд æрмæст традицион популярон цалдæр дæсныйады нæу, фæлæ аххæссы ЦИПУ-йы ахуырадон фадæтты æппæт спектрмæ.
2026 азы æппæты фылдæр æркуырд программæтæ уыдысты «Прикладная математика и информатика», «Журналистика», «Юриспруденция», «Социология», педагогон здæхтытæ æмæ «Лингвистика». Ацы номхыгъд æвдисы абитуриентты цымыдис куыд математикон, афтæ нымæцон зонæдтæм, стæй гуманитарон, æхсæнадон зонæдтæ æмæ ахуыргæнæджы дæсныйæдтæм.
Ахуыргæнинæгты нымæцы фæфылдæр цæуы университеты ахуырадон фæрæзтæ фæуæрæхдæр кæныны æмрæнхъ. 2026 азы ЦИПУ рауагъта æртæ ног программæйы: «Организация работы с молодежью», «Гостиничное дело» æмæ «Режиссура театра». Ацы программæтæ ахсынц цалдæр фадыджы, уыцы нымæцы фæсивæдон политикæ, уазæгуарзондзинады индустри æмæ культурæ.
Ноггонд æрцыдысты педагогон программæтæ дæр. Уыдоны нымæцы сты «Физика. Робототехника», «Проектирование образовательных программ. Психология образования» æмæ «Проектирование образовательных программ. Специальная педагогика и психология». Ацы программæтæ æххæст кæнынц классикон педагогон ахуыртæ робототехникæйы, ахуырадон дизайны, психологийы æмæ сæрмагонд ахуырады компетенцитимæ.
Æрдзон зонæдты æмæ технологиты факультет дæтты ахуырадон программæты уæрæх спектр. Программæ «Прикладная математика и физика»-йæн уыд 191 баллы, «Фундаментальная и медицинская биология»-йæн та ‒ 205 баллы. Уымæ гæсгæ медицинон биологийы программæмæ бацæуыны æмвæзад уыд 14 баллы фылдæр.
Райсты кампанийы фæстиуджытæ æвдисынц æрмæст æппæт программæты дарддæры æркуырд нæ, фæлæ ма бюджетон райсты хæрзхъæддзинады фæхуыздæр. Рæстæмбис бæрæггæнæнтæ 72 онг кæй схызтысты, дыууæ ног студенты 100 баллимæ кæй райстой, бæрæг программæтæм бæрзонд конкуренци, ахуырадон фадæтты æмвæзад кæй фæуæрæхдæр, уый дзурæг у ууыл, æмæ ЦИПУ йæ бынат фæфидардæр кодта хорз цæттæ абитуриентты конкурсы.