Цæгат Ирыстоны паддзахадон университет æмбырд кæны цæттæгæнæн курсытæм скъоладзауты къорд иумæйаг æмæ сæрмагонд паддзахадон фæлварæнтæм сæйраг предметтæй.
Ахуыртæ скъоладзаутæн баххуыс уыдзысты се скъолайы зонындзинæдтæ бафидар кæнынæн, вазыгджын темæтæ бамбарынæн æмæ фæлварæнтæм ныфсджындæрæй æрбацæуынæн. Ахуырдзауты цæттæ кæндзысты, рауагъдонтимæ куысты æмæ паддзахадон кæронбæттæн фæлварæнмæ цæттæ кæныны фæлтæрддзинад кæмæ ис, ЦИПУ-йы уыцы ахуыргæнджытæ.
Курсыты уæ бон у:
– раиртасын иумæйаг æмæ сæрмагонд паддзахадон фæлварæнты сæйраг темæтæ æмæ хæслæвæрдты хуызтæ;
– æргом аздахын, арæхдæр баллтæ кæм фесафынц, уыцы рæдыдтытæ æмæ хæслæвæрдтæм;
– зонындзинæдтæ сбæрæг кæнын тестытæ æмæ хуызæгон фæлварæнтæй;
– райсын ахуыргæнджыты æххуыс æмæ консультаци.
Цæттæдзинад цæудзæн ахæм предметтæй куыд: математикæ (уæлдæр æмвæзад), математикæ (бындурон æмвæзад), уырыссаг æвзаг, литературæ, истори, æхсæнадзонынад, биологи, хими, информатикæ æмæ ИКТ, стæй англисаг æвзаг.
Цæмæн хъæуы ЦИПУ курсытæ равзарын?
- ахуыр кæнынц университеты бæрзонд квалификациимæ ахуыргæнджытæ;
- ахуыртæ цæуынц чысыл къордты;
- æрмæг куыд æмбæрстгонд цæуы, уымæ æппынæдзух цæстдард цæуы;
- рацыд æрмæгыл лæвæрд цæуы фæлварæнтæ;
- зонындзинæдтæ къордтæгонд цæуынц профилон дисциплинæтæм гæсгæ.
Ахуырмæ хи бафыссынæн хъæуы:
- Скъоладзауы ныййарæджы кæнæ закъонмæ гæсгæ æвдисæны паспорт.
- Скъоладзауы паспорт.
- Скъоладзауы хуызист 3х4.
Курдиæттæ исынц комкоммæ ахæм адрисмæ гæсгæ: Дзæуджыхъæу, Ватутины уынг, 44-46, университеты агъоммæ цæттæдзинады æмæ профориентацийы хайад, 2-аг уæладзыг, 218-æм кабинет (филологон факультеты корпус).
Информаци райсынæн телефоны номыр:
+7 (8672) 333-373 (272 æмæ 273).