Цæгат Ирыстоны Хетæгкаты Къостайы номыл паддзахадон университеты историон факультеты фыццаг курсы студент Куыдзиаты Тимур хорзæхджын æрцыд Уæрæсейы Федерацийы Хъахъхъæнынады министрады майдан «Участнику специальной военной операции»-йæ. Майдан лæвæрд цæуы Уæрæсейы Гарзджын тыхты æфсæддон æмæ граждайнаг службæгæнджытæн æмбаргæ хъæппæрис, æнувыддзинад æмæ службæйы хицæндзинады, æнæаипп æмæ эффективон граждайнаг службæйы, стæй сæ хæстæ æнæзивæгæй æххæст кæныны тыххæй.
Тимур ныртæккæ æххæст кæны йе ‘нæмæнгхъæугæ æфсæддон службæ Уæрæсейы æфсады. Официалон æгъдауæй йæ службæ фæуыдзæн 50 бонмæ.
