Цæгат Ирыстоны паддзахадон университеты аивæдты факультеты актерон хайады авд студенты æнтыстджынæй ацыдысты кастинг æмæ архайынц нырыккон уæрæсейаг драматургийы лаборатори «Современная драма на сцене. Прогноз на завтра»-йы, йæ сæргълæууæг у режиссер Екатеринæ Шихова Санкт-Петербургæй.
Архайджыты нымæцы сты цыппæрæм курсы студенттæ Гуырдзыбеты Дианæ, Хъозаты Ангелинæ, æмæ Осипов Влад, ахуыр кæнынц Сабанты Тамерланмæ, дыккаг курсы студент Дзуццаты Дзамболат, йæ разамонæг Æлбегаты Алан æмæ фыццаг курсы студенттæ Кудухты Арсен, Хетъиты Сергей, æмæ Шулепова Дианæ. Уыдоны цæттæ кæнынц Цæгæраты Руслан æмæ Пæрæстаты Владимир. Лабораторийы программæйы ис нырыккон пьесæты кæсын, театралон эскизтæ æвæрын, спектакльтыл æрныхас, драматурги æмæ нырыккон театралон процессы тыххæй лекцитæ, драматургтимæ фембæлдтæ, семинартæ æмæ мастер-класстæ.
Архайджыты базонгæ уыдзысты уацмыстимæ: Юрий Поляковы «В ожидании сердца», Рагим Мусаевы «Я родился завтра. Защитник», Елена Обидинайы «Шрам Багиры» æмæ Артем Абросимовы «Она носила белый бант». Бакастытæ æмæ эскизтæ режиссертæ уыдзысты Екатеринæ Шихова æмæ Дзæуджыхъæуæй режиссер Никита Верзилин. Лабораторийы ма хъуамæ архайой драматургтæ Юрий Поляков æмæ Еленæ Обидина. Проект «Современная драма на сцене. Прогноз на завтра» аразы Уæрæсейы культурæйы министрады æххуысæй Культурон проекттæ «Культурная инициатива»-йы райрæзты æххуысæн Ассоциаци, драматургты национ Ассоциациимæ æмгуыст кæнгæйæ. 2026 азы сентябрæй ноябрмæ сфæлдыстадон æрмадзтæ цæудзысты бæстæйы цыппар горæты: Абаканы, Дзæуджыхъæуы, Петрозаводскы æмæ Санкт-Петербурджы. Фыццаг лаборатори ацыд сентябры Абаканы, Дзæуджыхъæуы фембæлд та уыдзæн проекты дыккаг къæпхæн.
