Цæгат Ирыстоны Хетæгкаты Къостайы номыл паддзахадон университет архайдта Æппæтадæмон университетон спорты бонæн нывонд æппæтуæрæсеон акци «СТУДзаБЕГ»-ы. Цæгат Ирыстоны ахуыргæнæн уагдæттæй æрмæст ЦИПУ архайдта мадзалы. «Спартак»-ы стадионы 2 километрон згъорд ахицæн кодтой 100 студентæй фылдæр. Семæ баиу сты университеты ректор Огъуаты Алан æмæ фæсивæдон политикæ æмæ административон куысты фæдыл ректоры хæдивæг Кокайты Алан. Мадзал бацæттæ кодта университеты студентон спортивон клуб «Алания».
«Университет активонæй кусы студентон спорты хуызты райрæзтыл, уыцы нымæцы хъæбысхæст æмæ командон спорты хуызтæ, куыд волейбол æмæ баскетбол. Абон бæрæгбонон уавæры мах студенттимæ иумæ баиу стæм æппæтуæрæсеон мадзалмæ æмæ фæлварæм нæ тыхтæ рог атлетикæйы. Æппæт архайджытæн дæр мæ зæрдæ зæгъы æнцон згъорд æмæ фидар æнæниздзинад. Згъорæм!» – фæнысан кодта Огъуаты Алан.
Згъорды сæрмагонд уазджыты нымæцы уыдысты спортсментæ Гæджиты Автандил æмæ Джиголаты Виталий. Автандил зындгонд у йе схызтæй Хъазыбеджы хохы цъупмæ 8 сахаты æмæ 43 минутмæ æмæ Эльбрусы хохмæ 6 сахатмæ. Виталий у Backyard Ultra Hard Run-ы архайæг, йæ бæрæггæнæн 268 км. Ерысты хатдзæгтæм гæсгæ сбæрæг сты уæлахиздзаутæ æмæ дыккаг бынæттæ чи бацахста, уыдон сылгоймæгты æмæ нæлгоймæгты категориты. Сылгоймæгты ‘хсæн фыццаг бынат бацахста историон факультеты студенткæ Хъуылаты София, æрдзон зонæдтæ æмæ технологиты факультеты студенткæ Гуыдиаты Аллæ райста æвзист, бронзæ та – Ольга Егоренко, уый дæр историон факультетæй. Нæлгоймæгты категорийы рамбылдта историон факультеты студент Баскаты Марат, дыккаг бынат бацахста экономикæ æмæ менеджменты факультеты студент Никос Сафронов, æртыккаг та бацахста æхсæнадæмон ахастдзинæдты факультеты студент Гуырцъыты Давид. Уæлахиздзаутæ æмæ дыккаг бынæттæ чи бацахста, уыдон мадзалы партнертæй райстой сæрмагонд лæвæрттæ.
Уæрæсейы Федерацийы наукæ æмæ уæлдæр ахуырады министрад, Уæрæсейы студентон спортивон цæдис, рог атлетикæйы Æппæтуæрæсеон федераци, Уæрæсейы студентон спортивон клубты Ассоциаци, стæй рог атлетикæйы студентон лигæйы хайадистæй 2026 азы мадзал «СТУДзаБЕГ» цæуы Уæрæсейы æппæт регионты дæр.
Æдæппæтæй акцимæ баиу сты 400 ахуырадон уагдонæй фылдæр, баиу сты 65 мин ахуырдзауы æмæ ахуыргæнæджы æнæхъæн бæстæйы.
Более ста студентов СОГУ во главе с ректором стали участниками всероссийского «СТУДзаБЕГА»