Цæгат Ирыстоны паддзахадон университет мадзæлтты æххæст программæйæ сбæрæг кодта номдзыд ирон поэт, ирон литературæйы бындурæвæрæг, нывгæнæг æмæ рухстауæг Хетæгкаты Къостайы райгуырæн бон.
Бæрæгбон традицион æгъдауæй райдыдта университеты сæйраг бахизæны Хетæгкаты Къостайы бюстмæ дидинджытæ сæвæрынæй. Поэты номарæн кад кæнынмæ æрæмбырд сты ректораты коллектив, ахуыргæнджытæ æмæ студенттæ. Архайджытæ йын бакастысты йе ‘мдзæвгæтæ æмæ æрныхас кодтой, Къостайы литературон бынтæн ирон культурæйы цы нысаниуæг ис, ууыл.
ЦИПУ-йы фыццаг хатт сарæзтой медиа-акци «Къоста фыста». Студенттæн бахæс кодтой халы хуызы æмдзæвгæ сисын æмæ йæ фыццаг рæнхъытæй адарддæр кæнын. Зонгæ уацмыстæ æрымысыдысты, кастысты хъæрæй æмæ сæ иумæ зæрдыл лæууын кодтой.
Ирон филологийы факультеты студенттæ сарæзтой тематикон акци: парахат кодтой поэты æмдзæвгæтæ цæуджытæн æмæ университеты студенттæн, зæрдыл лæууын кодтой, Ирыстоны культурон бынтæ цы уацмыстæ систы, уыдонимæ.
Бæрæгбоны архайдтой аивæдты факультеты студенттæ дæр. Графикæйы сесси «Мæ Къоста»-йы уацмыстæм гæсгæ сарæзтой иллюстрацитæ, нывтæ, эскизтæ, алыхуызон графикон мадзæлттæй пайда кæнгæйæ. Уацмысты ‘хсæн уыдысты «Дзæбидырдзуан», «Алолай», «Сидзæргæс», «Фатимæ» æмæ æндæрты интерпретацитæ.
Журналистикæйы факультет бацæттæ кодтой поэты цард æмæ сфæлдыстадæн нывонд равдыст, стæй чингуыты равдыст. Программæйы сæрмагондæй равдыстой Къостайы уацмыс «Фæдзæхст»-ы презентаци фондз æвзагыл: ногъайаг, туркаг, ирон, грекъаг æмæ уырыссаг æвзæгтыл. Архайджытæ ма байуæрстой стилизацигонд хъусынгæнинæгтæ Къостайæ рæзгæ фæлтæрмæ.
Программæйы интеллектуалон хай адарддæр брейн-рингæй «Костайы номыл стъалы». Скъоладзаутæ сæ зонындзинæдтæ сбæрæг кодтой поэты цард æмæ сфæлдыстады, йæ уацмыстæ æмæ йæ биографийы фæдыл фæрстытæн дзуæппытæ лæвæрдтой.
Бæрæгбонмæ мадзæлттæ сарæзтой иннæ факультетты дæр. Юридикон факультеты студенттæ архайдтой сфæлдыстадон конкурсы, дзырдтой æмдзæвгæтæ, æххæст кодтой музыкалон æмæ хореографион уацмыстæ. Историон факультет сарæзтой экскурси поэтимæ баст зæрдылдарæн бынæттыл.
Уæлдай нысаниуæгджын уыд ирон филологийы факультеты студентты балц Хетæгкаты Къостайы райгуырæн бæстæ Нары хъæумæ. Архайджытæ бабæрæг кодтой поэты хæдзар-музей, бæстондæр базонгæ сты йæ цард æмæ сфæлдыстадимæ, цырты цур сæвæрдтой дидинджытæ, дзырдтой æмдзæвгæтæ, азарыдысты зарджытæ.
Бон ахицæн Хетæгкаты Къостайы уацмыс «Фатимæ»-мæ гæсгæ ист аивадон кинонывы равдыстæй.
