ЦИПУ-йы цæуы профориентацион проект «Студент на один день»-ы ног сезон. Уый æххуыс кæны республикæйы скъоладзаутæн университеты цардимæ базонгæ уæвын, студенты цард бавзарын, стæй сæ фидæны фæндаг равзарын. Къуырийы дæргъы республикæйы алы рæттæй 10-æм æмæ 11-æм кълæсты ахуырдзаутæ зонгæ кæндзысты университетимæ, цæудзысты ахуыртæм, фæлвардзысты сæхи сæ равзæрст профессионалон фадгуыты. Архайджытимæ цæудзысты педагогон къорд «Арт»-ы студенттæ дæр. Уыдон сын æххуыс кæндзысты университеты хъæугæ факультет ссарынæн æмæ студентты ‘хсæн сæхи хорз æкъарынæн.
Проекты программæ баиу кæндзæн университеты алы факультетты ахуыртæ. Скъоладзаутæм æнхъæлмæ кæсынц лекцитæ, лабораторон куыстытæ, мастер-класстæ æмæ æндæр ахуырадон мадзæлттæ, уыдон сын фадат ратдзысты хуыздæр бамбарынæн сæ равзæрст программæ æмæ ЦИПУ-йы ахуыр кæныны хицæндзинæдтæ.
Ацы сезоны университет райста 200 курдиаты бæрц. Ахуырадон куысты фæдыл ректоры хæдивæг Гаглойты Давиды ныхсмæ гæсгæ, абитуриентты нымæц кæй фæфылдæр, уый дзурæг у проекты популярондзинадыл æмæ уæлдæр кълæсты ахуырдзауты рæзгæ цымыдисдзинадыл ЦИПУ-йы ахуыр кæнынмæ.
«Проекты нысан у университеты популяризаци æмæ фидæны студенттæн зæрдæмæдзæугæ ахуыры программæ равзарынæн баххуыс кæнын. Скъоладзаутæн сæ бон у сæхи бафæлварын студентон æхсæнады, базонын факультет æмæ ахуырадон процесс. Бирæтæ сæхи бафыссынц цалдæр факультетмæ, цæмæй равзарой дæсныйад. Ивгъуыд ахуыры аз райстам 60 курдиаты бæрц, ацы аз та 200-мæ æввахс. Уый та ууыл дзурæг у, æмæ проект фидæны студентты зæрдæмæ кæй фæцыдис», — фæнысан кодта ректоры хæдивæг.
Архайджытæ хибарæй равзарынц, кæцы факультетмæ цæуынц, уый. Уый æххуыс кæны студенттæн æрмæст сæ фидæны дæсныйад бамбарынæн нæ, фæлæ ма мидæгæй фенын университеты цард дæр. Зæгъæм, проекты фыццаг бон студенттæ бацыдысты юридикон факультеты уголовон барады лекцимæ, æрдзон зонæдтæ æмæ технологиты факультеты фармацевтон кафедрæйы лабораторимæ, стæй байхъуыстой хæринæгты сконды тыххæй лекцимæ.
Бирæ скъоладзаутæн проекты архайын у фадат рагацау сбæрæг кæнынæн фидæны равзæрст дæсныйад.
«Мæнмæ цымыдисаг кæсы, университеты ахуыр куыд цæуы æмæ цæмæ æнхъæлмæ кæсын хъæуы ахуырмæ бацæуыны фæстæ, уый. Хорз фадат у, цæмæй хуыздæр бамбарон, кæцы хайад мын æмбæлы равзарын фидæны, уымæн», — загъта 44-æм скъолайы ахуырдзау Елиуров Рустам.
«Студент на один день» æххуыс кæны хистæркъласонтæн сæ фидæны професси равзарынæн, университеты уавæртимæ базонгæ уæвын æмæ сæхи студенттæй фенынæн. ЦИПУ-йы проект у профориентацион куысты ахсджиаг хай, æххуыс кæны фидæны студенттимæ диалог саразынæн æмæ сæ университетимæ базонгæ кæнынæн ахуырмæ бацæуыны размæ дæр.
Около двухсот школьников Северной Осетии попробуют себя в качестве студентов СОГУ