Цæгат Ирыстоны Хетæгкаты Къостайы номыл паддзахадон университеты ректор Огъуаты Алан университеты ахуырадон советы æмбырды «РЦИ-Аланийы сгуыхт экономист»-ы кадджын номæй схорзæхджын кодта экономикæйы зонæдты кандидат, доцент, экономикæйы кафедрæйы сæргълæууæг Ситохаты Татьянæйы.
Ном лæвæрд цæуы бæрзонд профессионалон специалисттæн се ‘нтыстыты тыххæй экономикæ æмæ финансты дæсныйады, сæ хайбавæрды тыххæй экономикон наукæйы рæзтмæ, стæй сæ архайды тыххæй уыцы фадыджы квалификациджын кадртæ цæттæ кæныны хъуыддаджы.
Уымæй уæлдай ма ахуырадон советы æмбырды ректор РЦИ-Аланийы сæргълæууæг Сергей Меняйлойы номæй Дзобелаты Оликæн йæ 85 азы юбилейы цытæн балæвар кодта сахат «от Главы РСО-Алания» арфæйы фыстæгимæ. ЦИПУ-йы кусджыты профцæдисы сæрдар Бады Зауырбег дæр раарфæ кодта Дзобелаты Оликæн æмæ йæ схорзæхджын кодта зæрдылдарæн фæйнæг æмæ профцæдисы лæварæй.
Преподавателю СОГУ вручили звание Заслуженного экономиста РСО-Алания