Журналистикæйы факультеты фыццаг курсы студенттæн ЦИПУ-йы психологон службæ сарæзта социалон-психологон адаптацийы фæдыл тренинг.
Студенттæ базонгæ сты кæрæдзиимæ, сæххæст кодтой фæлтæрæнтæ æмгуыстад æмæ эффективон коммуникацийы фæдыл. Æрдзырдтой, коммуникацийы зындзинæдтæ куыд аиуварс кæнæн ис æмæ кæрæдзийæн куыд æххуыс кæнæн ис, ууыл.
Ахуырæн разамынд лæвæрдта Цæгат Ирыстоны паддзахадон университеты психологон диагностикæ æмæ консультацитæ дæттыны Центры директор Виктория Ильченко.
Фембæлды интерактивон хайы цыды æххуыс кодтой Центры бархионтæ – психологийы дæсныйады цыппæрæм курсы студенттæ Коробка Алинæ æмæ Кравченко Кристинæ.
Ахæм фембæлдтытæ æххуыс кæнынц фыццаг курсы студенттæн тагъд æрцахуыр уæвынæн сæ ног уавæрмæ, коммуникаци æрфидар кæнынæн æмæ студентты ‘хсæн хи хорз æнкъарынæн.
