Академик М.Д. Миллионщиковы номыл Грознайы паддзахадон нефты технологон университеты ацыд форум «У подножия Кавказских гор». Форумы архайдтой Цæгат Ирыстоны паддзахадон университеты студенттæ.
Форум æрæмбырд кодта Цæгат Кавказы федералон зылды студентон патриотон клубты разамонджыты æмæ активистты. Ныхас цыд историон мысынад, Уæрæсейы адæмты культурон традицитæ бахъахъхъæныныл, стæй фæсивæды патриотон хъомылады нырыккон ахастдзинæдтыл.
Цæгат Ирыстоны паддзахадон университеты номæй форумы архайдтой юридикон факультеты студенттæ Георгий Чугунов æмæ Хацырты Аврам, стæй экономикон факультеты студенттæ Магомед Исмаилов æмæ Ходы Руслан.
Форум сарæзта, æмбæстагон æмæ патриотон хъомылады инициативæтæн æххуыс чи у æмæ æппæт бæстæйы фæсивæдон къордтæ цы æхсæнад иу кæны, ахæм студентон патриотон клубты Ассоциаци «Я горжусь».
Ахуырадон программæмæ бацыдысты экспертон презентацитæ æмæ студентты хъæппæристы дискусситæ. М.В. Ломоносовы номыл Мæскуыйы паддзахадон университеты политологийы факультеты Уæрæсейы паддзахаддзинады истори æмæ теорийы кафедрæйы доцент Сергей Белов æрдзырдта историон цаутæ æмæ национ сурæттæ æнкъарыныл видеохъæзтыты æндæвдады тыххæй. Дæнцæгæн спайда кодта хъазт «Atomic Heart»-æй, уым æвдыст цæуы советон историйы альтернативон хуыз. Архайджытæ ма базыдтой, куыд иртасынц ахуыргæндтæ видеохъæзтыты æндæвдад фæсивæды историон æмбарынадыл.
Форумы практикон хай здæхт уыд студентон патриотон клубты рæзтмæ. Стратегион сесситы рæстæджы архайджытæ куыстой ног мадзæлтты гæнæнтыл, æруынаффæ кодтой алы регионты клубты ‘хсæн æмгуыстадыл, æмæ агуырдтой фадæттæ, цæмæй патриотон хъæппæристæ студентты ‘хсæн æрцагуырд цæуой æмæ цымыдисаг уой.
Студенты СОГУ обсудили новые форматы патриотической работы на форуме в Грозном