Цæгат Ирыстоны паддзахадон университет уыдзæн æппæтадæмон ахуырадон акци «Географический диктант»-ы фæзуæттæй иу. Мадзал аразы Уырыссаг географион æхсæнад.
Ацы аз диктанты сæйраг вариант фæкъаддæр уыдзæн 40 фарстæй 30 фарстмæ. Баззайдзæн фарстытæ зындзинады æмвæзадмæ гæсгæ дих кæныны æмбæлон уагæвæрд: фыццаг 10 бындуриуæг кæндзысты зындгонд географион факттыл æмæ æмбæлон уыдзысты скъолайы программæимæ, иннæ 20 та домдзысты æрмæст зонындзинæдтæ нæ, фæлæ ма логикæ, сфæлдыстадон хъуыдыкæнынад æмæ эрудици.
Фæсарæйнаг аудиторийæн бацæттæ кæндзысты Геодиктанты сæрмагонд адаптацигонд вариант, къаддæр фæрстытимæ æмæ 10 æвзагæй фылдæрмæ тæлмацгонд. Йæ зонындзинæдтæ вазыгджындæр æмвæзадыл сбæрæг кæнын кæй фæнды, уыдонæн фыццаг хатт лæвæрд æрцæудзæн «Геодиктант. Продвинутый уровень». Уый ма уæлæмхасæн 20 зындæр фарсты уырыссаг æвзагыл. Ацы фæрстытæм бацæуæн байгом уыдзæн сæйраг вариант сæххæст кæныны фæстæ. Уæлдæр къæпхæны 18 æмæ фылдæр фарстæн раст дзуапп чи ратта, уыдонæн лæвæрд æрцæудзæн сæрмагонд хæрзиуæгон гæххæтт æмæ уæлæмхасæн разæнгардгæнæнтæ.
Диктант ныффысдзысты 22 ноябры 11:00 сахатыл Цæгат Ирыстоны паддзахадон университеты ЮНЕСКО-йы залы. Регистраци скæнæн ис электронон почтæйæ reg15@reg.ru, телефонæй 8 (909) 475-56-66, кæнæ та бынаты. Бацæуынæн хъæуы паспорт. Архайджытæн сæ бон у мадзалмæ бацæуын онлайн дæр https://dictant.rgo.ru/?ysclid=mwadfm87yz902516705