Цæгат Ирыстоны Хетæгкаты Къостайы номыл паддзахадон университеты ацæудзæн Æппæтуæрæсеон зонадон конференци «Семæновские чтения», нывондгонд у профессор Леонид Семеновы райгуырдыл 140 азы сæххæсты цытæн.
Леонид Семенов у Кавказ æмæ Лермонтовы сфæлдыстад иртасæг специалист, стæй Хетæгкаты Къоста, Брытъиаты Елбыздыхъо, Тугъанты Батырбек, Гулуты Андрей, Нигер (Дзанайты Иван), æмæ ирон культурæйы æндæр минæвæртты сфæлдыстад фыццаг иртасджытæй иу.
Мадзал аразынц ЦИПУ-йы уырыссаг филологийы факультет. Конференцийы нысан — фольклор, филологи, истори æмæ этнологийы иртасæн куыст чи кæны, уыцы ахуыргæндты ‘хсæн диалог райтынг кæнын, стæй Цæгат Кавказы культурæ æмæ литературæ нырыккон уавæрты ахуыр кæныны фæндæгтæ сбæрæг кæнын. Архайдзысты дзы раззагдæр ахуыргæндтæ Мæскуыйæ, Санкт-Петербургæй, Пятигорскæй æмæ Махачкалайæ, стæй фæсарæйнаг ахуыргæндтæ Японийæ, Венгрийæ æмæ Китайæ.
Конференцийы архайджытæй иу уыдзæн Еленæ Тахо-Годи, Леонид Семеновы хъæбулы чызг, филологон зонæдты доктор, Мæскуыйы М.В. Ломоносовы номыл паддзахадон университеты уырыссаг литературон историйы кафедрæйы профессор, А.М. Горькийы номыл Уæрæсейы зонæдты академийы дунеон литературæйы институты сæрмагонд наукон кусæг, стæй Цæгат Ирыстоны паддзахадон университеты уырыссаг филологийы факультеты рауагъдон. Уый бакæсдзæн пленарон æрбадты доклад «Леонид Семæнов и его круг научного общения» (дистанцион хуызы).
Кадджын уавæры байгом æмæ пленарон æрбадт ацæудзысты 12 ноябры 11:00 сахатыл ЦИПУ-йы зал ЮНЕСКО-йы. Архайджыты регистраци райдайдзæн 10:00 сахатыл.
В СОГУ пройдут «Семёновские чтения», посвященные 140-летию профессора Леонида Семёнова