Цæгат Ирыстоны Хетæгкаты Къостайы номыл паддзахадон университеты аивæдты факультеты декан æмæ Цæгат Ирыстон-Аланийы Нывгæнджыты цæдисы регионалон хайады правленийы уæнг Атайты Мæдинæ бацыд президентон грантты конкурс «Дружба народов»-ы экспертон советы скондмæ.
Конкурс «Дружба народов» у Президенты грантты фонды хицæн грантон программæ, здæхт у Республикæ Хуссар Ирыстоны социалон нысаниуæгджын проекттæн æххуыс кæнынмæ.
Экспертон советы сконды ма бацыдысты Мариинаг театры аивадон разамонæг Гергити Валерий, Президенты грантты фонды генералон директор Илья Чукалин, Культурæ æмæ информацион технологитæ парахат кæныны фонды генералон директор Роман Карманов, Президенты грантты фонды генералон директоры уынаффæгæнæг Гудалин Вячеслав, Хуссар Ирыстоны юстицийы министр Джиоты Алан, Хуссар Ирыстоны хицауады сæрдары фыццаг хæдивæг Екатерина Толстикова, Уæрæсейы Федерацийы Уæлвæткон æмæ Æххæстбарджын минæвар Хуссар Ирыстоны Марат Кулахметов, «Норильский Никель»-ы минæвар Абысалты Сослан, президенты æххæстгæнæн аппараты сæргълæууæджы хæдивæг стратегион партнерад æмæ æмгуыстады фæдыл Борис Чернышев, Уæрæсейы Æмбæстагон палатæйы æнæкоммерцион секторы райрæзты къамисы сæрдар Елена Тополева-Солдунова, фонд «Круг доброты»-йы правленийы сæрдар Александр Ткаченко, Уæрæсейы медицинæйы университеты травматологи æмæ ортопедийы кафедрæйы хистæр зонадон кусæг Темесов Сæрмæт æмæ социалон технологиты центр «Гарант»-ы директор Марина Михайлова.
Æдæппæтæй конкурсмæ балæвæрдтой 84 проекты. Курдиæттæм ныр цæудзæн хæдбар æркаст. Уæлахиздзаутæ рабæрæг уыдзысты ноябры, равзæрст проекттæ æххæст кæнæн уыдзæн 1-æм декабрæй.
Декан факультета искусств СОГУ вошла в экспертный совет конкурса «Дружба народов»