ЦИПУ-йы концертон залы равдыстой аивадон киноныв «Ласточки прилетели». Ацы аз ыл сæххæст 20 азы. Кинонывы равдыст арæзт æрцыд студенттимæ профилактикон куысты фæлгæтты, йæ нысан уыд наркоманийы проблемæйыл æрдзурын.
Кинонывы режиссер Галазты Аслан æвдисы, наркоманиимæ чи сæмбæлд, уыцы адæмы хъысмæтты истори æмæ æвдисы, ахæм бæллæхы æвзæрстытæ куыд ахадынц уарзон адæмимæ ахастытыл, царды нывæзтыл æмæ хъайтарты фидæныл.
Равдысты размæ студенттимæ ныхас кодтой Цæгат Ирыстоны паддзахадон университеты фæсивæдон политикæ æмæ административон куысты фæдыл проректор Кокайты Алан æмæ Цæгат Ирыстоны наркотикты ныхмæ къамисы аппараты сæргълæууæг Лебедева Луизæ. Уыдон бахахх кодтой, куыд ахсджиаг у æрыгæттимæ наркотиктæй пайда кæныны фæстиуджытыл æргомæй ныхас кæнын æмæ фæнысан кодтой, профилактикæйы мадзæлттæ хъуамæ æрмæст информацион ма уой, фæлæ ма ахуырдзаутæн æмбæрстгонд æмæ æмбæлон.
«Ацы киноныв нын студенттимæ куысты сси егъау фæрæз. Ирон киноаразджыты ацы аивадон куысты фæрцы нæ бафæндыд равдисын наркоманийы фæстиуджытæ æрмæст официалон раныхæсты фæрцы нæ, фæлæ ма кæсæджы зæрдæмæ эмоцион æгъдауæй чи цæуы, ахæм историты руаджы дæр», — загъта проректор.
Равдысты фæстæ уыд гом диалог кинонываразæг къордимæ: режиссер Галазты Аслан, сценарист æмæ сæйраг актер Хуыгаты Ирлан, актертæ Хæтагты Артур, Теблойты Лейлæ, æмæ Хъæйтмæзты Тигран. Студенттæ уазджытæм лæвæрдтой фæрстытæ, кинонывыл кусгæйæ сæм цы æнкъарæнтæ сæвзæрд, куыд бафиппайдтой персонажты царды сæхи, стæй киноныв сисыны фæстæ сæ цæстæнгас сюжетмæ аивта æви нæ. Архайджыты ма бафæндыд базонын, ис æви нæ киноаразджытæн фидæны проектты фæдыл пълæнттæ æмæ сæ фидæны цавæр социалон темæтæ раиртасын фæнды, уый.
Уæлдай æргом аздæхтой, наркоманийы тыххæй фæсивæдимæ куыд ис дзурæн, уымæ. Раиртæстой темæ алыхуызон — кинойы цæстæнгасæй, актерты сæрмагонд фæлтæрддзинадæй æмæ наркотикты контролы специалистты профессионалон цæстæнгасæй.
«Ласточки прилетели»: в СОГУ поговорили со студентами о последствиях наркозависимости