Цӕгат Ирыстоны Хетӕгкаты Къостайы номыл паддзахадон университеты исӕн къамис дарддӕр йӕ куыст кӕны.
Къамисы бӕрнон секретар Сокаты Тамарӕ куыд фехъусын кодта, афтӕмӕй ацы аз ӕппӕты стырдӕр конкурс ис юриспруденцийы, стоматологийы, фармацийы, экономикӕ ӕмӕ менеджменты факультеттӕм. Бирӕ фӕсивӕд сӕ зонындзинӕдтӕ фӕлварынц информатикӕйы, социологийы, математикӕйы, хими ӕмӕ историйы факультеттӕм дӕр.
«Къамисы уӕнгтӕ ацы бонты уӕхскуӕзӕй сӕ куыст кӕнынц. Ныридӕгӕн уал университеты студенттӕ систы 2 831 адӕймаджы. Зӕгъӕм, бакалавриаты бюджетон бынӕттӕм райстам 527 адӕймаджы, магистратурӕмӕ та — 166 адӕймаджы. Ацы аз бюджетон бынӕттӕ ӕдӕппӕт сты 789. Уыимӕ, рагагъоммӕ нысангонд сӕрмагонд бынӕттӕм райстам 26 адӕймаджы», — радзырдта Сокаты Тамарӕ.
Йӕ ныхасмӕ гӕсгӕ, 2019 азы студент суӕвынӕн ӕппӕты бӕрзонддӕр баллтӕ хъуамӕ уой стоматологийы (263), юриспруденцийы (243), дунеон экономикӕ (237) ӕмӕ экономикӕйы (233) дӕсныйӕдтӕм.